WEB
Informazioaren aroan gaude, erosketak egunero egiten ditugu Internet bidez, gure datu pertsonalak partekatzeko profil publikoak ditugu. Aipatu beharrik ez dago lehen aurrez aurre egiten genituela papeleo guztiak eta orain, aldiz, online. Era batera edo bestera, zerbitzu horietan konfiantza izatera behartuta gauden egoerak sortzen zaizkigu egunero.
Baina, zer da SSL ziurtagiria?
Funtsean, webgune baten nortasuna autentifikatzen duen eta zerbitzari baten bidez bidaltzen den informazioa zifratzen duen zerbitzu bati buruz ari gara (algoritmo matematikoen bidez eta nabigatzen duen pertsonaren eta zerbitzariaren artean soilik identifika daitezkeen gakoen sistemen bidez).
Eta zergatik da garrantzitsua?
Erabiltzaileei gunea benetakoa eta fidagarria dela jakinarazteko modu bat da, eta SSL ziurtagiria duenez, ziurtzat jo dezakegu pertsona horien datuak enkriptatuta egongo direla. Azken hau beharrezkoa izaten da online erosketak edo bestelako diru-transakzioak egiterako orduan.
Era berean, 2017ko urtarriletik aurrera, erabiltzaileen datuak biltzen dituzten webgune orok (edozein motatakoak izanik), SSL ziurtagiririk ez badute, beren webgunean sartzerakoan erabiltzaileek hurrengo ohartarazpen bat ikusiko du: litekeena da sartzen ari diren web-orria segurua ez izatea, toki seguru batera bueltatu zaitezke.
Esate baterako, Google SSL ziurtagiririk erabiltzen ez duten webguneak zigortzen hasi da jada eta erabiltzaileak azken postuetara eraman ditu bilaketetan. Horregatik, oso garrantzitsua da hori kontuan hartzea web orri bat garatzeko orduan.
Orain, SSL ziurtagiriak zer diren eta nola funtzionatzen duten badakizula, hurrengo web-proiektuetan erabiltzera gonbidatzen zaitugu. Eta noski, laguntza edo informazio gehiago nahi izanez gero, jarri gurekin harremanetan!
KAIXO!
marmarru.studiorekin
harremanetan jarri.
marmarru.studiorekin
harremanetan jarri.
Branding, Webgune eta
Komunikazioan espezializatutako
diseinu estudio berritzailea.
Branding, Webgune eta
Komunikazioan espezializatutako
diseinu estudio berritzailea.
© MARMARRU 2023 All rights reserved | kaixo@marmarru.eus
