BRANDING
Naminga marka arrakastatsu bat sortzeko beharrezko pieza bat da. Izan ere, izen on bat gakoa izan daiteke zure bezeroek zure proiektu nahiz enpresa gogoratzeko eta lehiakideetatik bereizteko. Baina, nola aukeratu izen egoki bat? Araurik ba al dago? Gida honetan, gogoratzeko erraza den naming bat sortzeko behar duzun guztia azalduko dizugu.
Zer da naming-a?
Naming kontzeptua marka, produktu edo zerbitzu baterako izen bat aukeratzeren prozesuari deitzen zaio. Prozesu sortzailea da, estrategikoa eta objektiboa izan behar duena. Kontua ez da ausazko izen bat hautatzea, baizik eta naming on bat garatzeko irizpide jakin batzuk betetzea.
Zer da izen on batek izan behar duena?
Naming on batek bereizgarria, adierazgarria, gogoratzeko erraza eta zure markaren nortasunarekin bat doana izan beharko du. Gainera, idaztean ere ondo ikusi beharko da. Honetarako, hurrengo oinarrizko printzipioak jarraitzea gomendatzen dizugu:
-
Markarekiko eta arkitekturarekiko koherentzia.
-
Atenporala eta enpresen aldaketa posibleei egokitzeko modukoa.
-
Irakurtzeko eta ahoskatzeko erraza.
-
Istorio bat transmititu eta sintetizatzeko modukoa.
-
Bereizgarria, bakarra eta bereizia.
-
Erregistragarria (legez bideragarria).
-
Markaren balioak gogorarazten eta iradokitzen dituena.
-
Sinesgarritasuna sortzen duena.
-
Nabarmena eta gogoratzeko erraza.
-
Konnotazio negatiboak saihesten dituena.
Nola sortu naming on bat zure markarako?
Naming on bat sortzeko, urrats hauek jarraitu ditzakezu:
-
Zure markaren ezaugarriak definitu. Zure konpainiaren nortasuna eta ezaugarriak hobekien deskribatzen dituzten adjektiboen zerrenda bat egin.
-
Zure promesaren inguruan hausnarketa bat egin. Zure xede-publikoa zein den zehaztu eta pentsatu zer balio eskaini nahi dizkiozun.
-
Zure lehiakidea mapatu. Zure gaitasunak transmititzen dituen izenak zehaztu eta haien berezko indargune eta ahuleziak aztertu.
-
Zure produktuaren kategoria zehaztu. Horrela, zure marka zein industriatan lehiatzen den jakin ahal izango duzu.
-
Pentsatu zenbait naming-etan eta gero erabaki. Izenen ideia-zaparrada bat egin (brainstorming) eta onenak hautatu.
-
Izenak tipologiaren arabera sailkatu. Deskriptiboak, akronimoak, abstraktuak, iradokitzaileak, oroigarriak, geografikoak, egoak eta asoziatiboak izan daitezke, besteak beste.
-
Naming on baten oinarrizko ezaugarriak eta printzipioak ebaluatu. Egiaztatu aurretik zehaztutako irizpideak betetzen dituela, eta aukeratu parametro horietara gehien egokitzen den hori.
Naming on bat sortzea denbora eta ahalegina eskatzen duen prozesu sortzaile eta estrategikoa da. Izen egoki batek zure marka merkatuan kokatzeko gaitasuna izan dezake eta arrakasta suposa lezake. Jarraitu naming egokia sortzeko eman dizkizugun aholku eta oinarrizko printzipio hauek!
Zure brandingaren garapenarekin laguntza behar baduzu, idatzi konpromezurik gabe. Zure bide zoragarri honetan laguntzeko prest gaude!
KAIXO!
marmarru.studiorekin
harremanetan jarri.
marmarru.studiorekin
harremanetan jarri.
Branding, Webgune eta
Komunikazioan espezializatutako
diseinu estudio berritzailea.
Branding, Webgune eta
Komunikazioan espezializatutako
diseinu estudio berritzailea.
© MARMARRU 2023 All rights reserved | kaixo@marmarru.eus
